Ani hin dhalanne

                      
                           Meerre eessan jira
                           Garaa keessa jechuuf
                           Dacheema irran jira
                           Dachee irra jechuuf
                           Biyya kamin jira       
                        
                          Biyyan jiru hin beeku
                          Maaal kana walaaluun?
                          Machhidhamoo?
                          kkkkk kuni machii miti
                          Ani booka hin dhugiin
                          Tasuma hin macha'u
                          Dhalachuun barbaada
                          Garaa keessa hin taa'u
                          Guyyaa dhalootakoof
                          Marqaan haa qophaa'u

OROMUMMAA

oromummaan bari dhiiga lafeekeeti

kan ittiin as ga'es lafee goototaatiin

kaawwan ajjeefamee

Kaawwan fannifamee

kaanis osoo jooruu

mana isaa baqatee

bosonatti galeee

Bilisummaa fiduuf

miilli isaa qallatee

Beelaa fi dheebuu obsee

Beelli isa gaggabsee

mudhii isaa hidhatee

mandhee diinaa cabsee

yoo itti haammaates

waan nyaatulle dhabee

Qorraan waxalamee

Beelaan dararamee

Lubbuu isaa dabarsee